သာသနာ့ ကုန်ကြမ်း
..............................
စာသင်ချိန် ခဏနား
ဘောကစားတဲ့ ကိုရင်ငယ်။
သင်္ကန်းကို ခါးမြှောင်ကျို က်
အားစိုက် မာန်ထည်။
ဂိုးအပေါက် တိုင်အလယ်
ကန်မယ်ကွယ့် မိအောင်ဖမ်း။
လောင်းကြေး ငွေမပါဘူး
မနေသာ ဘောရှုံးလျှင်ဖြင့်
ကတုံးကို ဆီလူး
နဖူး တောက်တမ်း။
မဏိရတနာ ထပ်မခြား
အရိယာ မြတ်တစ်ပါးရယ်လို့
မဂ်တရား မရခင်။
ကာယကံ ကိုယ်အလုပ်ရယ်နဲ့
နှုတ်ပြောကြံ စရိုက်များ
မှား မကင်းစင်။
ရှင်ငယ်လည်း ပုထုဇဉ်
လူ့ဥာဉ်မို့ သော့သွမ်း။
ကုန်ချော မဖြစ်ခင်မို့ ပုံသဘော အပြစ်မစင်ပေမင့်
အနှစ်ထင် နောင်တစ်ချိန်ရောက်လျှင်လ
အညစ်စင် အမှောင်တိမ်ပျောက်ပေလိမ့်
တောက်ထိန်ကာ ရတနာ့ဂုဏ်လျှမ်းမယ့်
(သြော်....ရှင်ငယ်ဆိုတာလေ...)သာသနာ့ ကုန်ကြမ်း။
ဗေဒါဆွေ(ရွှေဘိုသား)
၁၅.၈.၁၅
No comments:
Post a Comment