သခင်ဘသောင်း (၂)
သခင် ဘသောင်းသည် မကွေး ခရိုင် နတ်မောက် မြို့နယ် ဖုံကုန်းရွာ ဇာတိ ဖြစ်၍၊ ၁၂၆၂ ခုနှစ် တပို့တွဲ လပြည့်ကျော် ၅ ရက် (၁၉ဝ၁ ခုနှစ် ဖေဖော်ဝါရီလ ၇ ရက်) ကြာသပတေးနေ့တွင် ဖွားမြင်သူ ဖြစ်သည်။ ဖခင်မှာ သီပေါမင်း လက်ထက် နန်းတွင်း လက်ဖက်ရည်တော် ဖြစ်၍၊ နောင်တွင် တောင်တွင်းကြီး စစ်ကဲ အဖြစ် အမှု ထမ်းရသော ဦးမြစ် ဖြစ်သည်။ မိခင်မှာ ဖုံကုန်းရွာသူ ဒေါ်လေးခင် ဖြစ်သည်။ ဦးမြစ်သည် မြန်မာနိုင်ငံကို ဗြိတိသျှတို့ သိမ်းပိုက်ချိန်က ပြန်လည် ခုခံ တိုက်ခိုက်ခဲ့သော နယ်ချဲ့ ဆန့်ကျင်ရေး ခေါင်းဆောင် တစ်ဦး ဖြစ်ပြီး နောင်အခါတွင် မြို့သစ်၊ ပန်းထိန်း၊ ငါးဖဲ၊ တောင်တွင်း (သရက်)၊ လယ်ဝေးတို့တွင် မြို့အုပ် အဖြစ် အမှု ထမ်းခဲ့သည်။ ဦးမြစ်၊ ဒေါ်လေးခင်တို့၏ သားသမီး ၄ ယောက်အနက် သခင် ဘသောင်းသည် ဒုတိယသား ဖြစ်သည်။
သခင် ဘသောင်းသည် တောင်တွင်းကြီး ဗိမာန်ကျောင်း၊ မြို့သစ် ဆရာ ဦးစိုးမင်း၏ တိုင်းရင်း မြန်မာ မူလတန်း ကျောင်း၊ တောင်တွင်းကြီး အစိုးရ အလယ်တန်းတွင် ပထမ ရသည့် အတွက် ရွှေတံဆိပ်ဆု ချီးမြှင့် ခံရသည်။ သတ္တမတန်း တွင်လည်း ပညာသင်ဆု (စကောလားရှစ်) ရသည်။ ငယ်စဉ်ကပင် ဖခင် ကွယ်လွန် သွားရာ၊ ၁၉၁၉ ခုနှစ်က ဟုမ္မရူး တောင်းရန် ဘိလပ်သို့ သွားရောက် ခဲ့သော ‘ဘေ-ပု-ရှိန်’ ကိုယ်စားလှယ် အဖွဲ့ဝင် ဦးထွန်းရှိန်က သခင် ဘသောင်းကို ကြည့်ရှု စောင့်ရှောက် ခဲ့ရသည့် အလျောက်၊ ဦးထွန်းရှိန် ထံမှ ဝံသာနု စိတ်ဓာတ် အမွေ ရခဲ့သည်။
၁၉၂၀ - (၁၀)တန်းတွင် ပညာသင်စဉ် ပထမကျောင်းသားသပိတ်တွင် ခေါင်းဆောင်အဖြစ် ပါဝင်ခဲ့ပြီး ကျောင်းမှ ထွက်ခဲ့သည်။ ၁၉၂၁ ခုနှစ်တွင် ဒိုင်အာခီ အုပ်ချုပ်ရေး ကိစ္စ အတွက် မြန်မာ နိုင်ငံသို့ လာသော ဝှိုက်ကော်မတီကို ကန့်ကွက်သည့် အတွက် ထောင်ကျသည်။ ၁၉၂၂ ခုနှစ်တွင် မြန်မာ နိုင်ငံသို့ ဝေလ မင်းသား လာရောက်ရာ၊ ထိုသို့ မလာရောက်မီ နယ်နှင် ခံရသူ များတွင် သခင် ဘသောင်းလည်း အပါအဝင် ဖြစ်သည်။ ထို့ပြင် အမိန့် ဖီဆန်မှုဖြင့် ထောင်ကျ သေးသည်။
သခင် ဘသောင်းသည် မန္တလေး၊ ရွှေဘို၊ ပုသိမ် မြို့များရှိ အမျိုးသား ကျောင်းများတွင် စေတနာ့ ဝန်ထမ်း ကျောင်းဆရာ အဖြစ် ဆောင်ရွက်သည်။ ထို့နောက် ၁၉၂၄ - ၂၅ ခုနှစ်တွင် မြန်မာပိုင် နယူးဘားမား သတင်းစာ၌ လက်ထောက် အယ်ဒီတာ အဖြစ် ဆောင်ရွက်သည်။ ကင်းဝန်မင်းကြီး ပိဋကတ်တိုက် တွင်လည်း လက်ထောက် ပိဋကတ် တိုက်မှူး အဖြစ် ဆောင်ရွက်သည်။ ထိုစဉ် ဂန္ဈလောက မဂ္ဂဇင်းက ကြီးမှူး ကျင်းပသော ဘာသာပြန် ပြိုင်ပွဲများတွင် ဝင်ရောက် ယှဉ်ပြိုင်ရာ၊ ပြိုင်ပွဲ ခြောက်ကြိမ်တွင် ပထမဆု ငါးကြိမ် ရသည်။ ၁၉၂၉ - ၃ဝ တွင် Outlines of General History ကို ‘ကမ္ဘာ့ ရာဇဝင်ချုပ်’ အမည်ဖြင့် မြန်မာ ဘာသာ ပြန်ဆိုသည့် အတွက် ဝေလမင်းသားဆု ချီးမြှင့် ခံရသည်။ ၉၄၂ ခုနှစ် ဂျပန်ခေတ်ဦးတွင် ရန်ကုန် တက္ကသိုလ် မြန်မာစာ ဌာနတွင် ဘာသာပြန် နည်းပြ ဆရာ အဖြစ် တစ်နှစ်ခန့် ဆောင်ရွက်သည်။
သခင် ဘသောင်းသည် ၁၉၂၈ ခုနှစ်တွင် ‘သခင်’ အမည်ကို စတင် သုံးစွဲခဲ့သည်။ ၁၉၃ဝ ပြည့်နှစ် မေလတွင် တို့ဗမာ အစည်းအရုံး ကြေညာ စာတမ်း၊ နိုင်ငံပြု စာစု အမှတ် (၁) ကို ထုတ်ဝေသည်။ တို့ဗမာ အစည်းအရုံး စတင် တည်ထောင်သူ များတွင် သခင် ဘသောင်းသည် တဦး အပါအဝင် ဖြစ်သည်။ ၁၉၃ဝ ပြည့်နှစ်တွင် မြန်မာ နိုင်ငံလုံးဆိုင်ရာ လူငယ်များ အစည်းအရုံး အမှုဆောင် အဖြစ် ဆောင်ရွက်သည်။ ၁၉၃၃ ခုနှစ်တွင် ရွှေဘို၌ ဒိုင်အာခီ ဥပဒေပြု လွှတ်တော် အမတ်လောင်း အဖြစ် တရား ဟောသည့် အတွက် ထောင်ကျ ခဲ့ရာ၊ ထောင်ထဲတွင် အစာငတ်ခံ ဆန္ဒ ပြခဲ့သည်။
သခင် ဘသောင်းသည် နိုင်ငံရေး လောကတွင် ကျင်လည်ရင်း စာပေများ ရေးသား ခဲ့သည်။ ပြင်သစ် စာရေး ဆရာ မော်လယဲ (Moliere) ၏ Le Medecin Malgre Lui ကို မှီငြမ်း ပြုသော သခင် ဘသောင်း၏ ‘ဆရာဝန်ပါဘဲ’ ပြဇာတ် သည် ခေတ်သစ် မြန်မာ ပြဇာတ် သမိုင်းတွင် အစောဆုံး ပြဇာတ် တပုဒ် အဖြစ် ထင်ရှားသည်။ သောမတ်ဟာဒီ (Thomas Hardy) ၏ Tess of the D’ Ubervilles ကို မှီငြမ်း ပြုသော ‘ပန်းသာ မစာဥ’ ဝတ္ထုသည်လည်း အထူး ထင်ရှားသည်။ ကမ္ဘာကျော် ‘တထောင့်တည ပုံပြင်များ (၁၉၅၈)’ ကိုလည်း ဘာသာ ပြန်ခဲ့သည်။
ရေးသား ပြုစု ခဲ့သော အခြား စာပေ များမှာ ရေနံဝတ္ထု ပထမပိုင်း (Oil by Upton Sinclair)၊ တိုက်သင်္ဘော ဝံပုလွေ (၁၉၄ဝ)၊ အဖေ့ အမွေ ပြဇာတ်နှင့် တိုင်းပြည့် ရန်သူ ပြဇာတ် (Ibsen ၏ ပြဇာတ်များ)၊ အမေလေး၊ ခြေလေးချောင်း တော်လှန်ရေး (Animal Farm by George Orwell)၊ သူခိုး အာမက် (၁၉၆၁) (Thief of Bagdad)၊ မျက်မမြင် တိုင်းပြည် (၁၉၆ဝ) (The Country of the Blind by H.G.Wells)၊ ဒေးဗစ် ကော့ပါးဖီး (၁၉၆၁) (David Copperfield by Charles Dickens)၊ ကမ္ဘာ ပတ်လည် ရက်ရှစ်ဆယ် (Round the World in Eighty Days by Jules Verne) [၁၉၅၉ - ၆ဝ၊ ယူနက်စကို ဘာသာပြန်ဆု ရသည်] ကော်ဇောတော်နှင့် ဗေဒင် ပညာရှိ၊ ဂြိုဟ်စီးဂြိုဟ်နင်း၊ နေပြိုင်သူရဲ၊ ဗမာ့ဒုန်းယာဉ်၊ ဒီမိုကရေစီ ဆိုတာ၊ ဗိုလ်တင်းပုတ်ပြည်ဝင်၊ ဗုဒ္ဓ၏ စကြဝဠာတရား (၁၉၇၅) စသည်တို့ ဖြစ်သည်။
၁၉၆၉ ခုနှစ်တွင် စာပေဗိမာန်က ကျင်းပသော ဘာသာပြန် စာပေ နှီးနှော ဖလှယ်ပွဲ၌ ‘ဘာသာပြန်သူ တဦး၏ အတွေ့အကြုံနှင့် ထင်မြင်ချက်များ’ စာတမ်းကို တင်သွင်း ခဲ့သည်။
၁၉၆၂ ခုနှစ်တွင် ပြန်ကြားရေး ဌာန အသံလွှင့်ရုံ၌ အမှုထမ်းသည်။ ပြန်ကြားရေး ဌာနတွင် စာပေစိစစ်ရေးမှူး အဖြစ် ဆောင်ရွက်သည်။ ကာကွယ်ရေးဝန်ကြီး ဌာန လူမှုဆက်ဆံရေး တပ်က ထုတ်ဝေသော ‘မြန်မာနှင့် ကမ္ဘာ’ စာစောင်တွင်လည်း အယ်ဒီတာ အဖြစ် ဆောင်ရွက်သည်။ ၁၉၆၅ ခုနှစ်က စ၍ မြန်မာ့ဆိုရှယ်လစ် လမ်းစဉ်ပါတီဌာနချုပ်တွင် ဖွင့်လှစ်သော စာပြုသင်တန်း များတွင် ဘာသာပြန်ဆို ရေးသားမှုကို သင်ကြား ပို့ချ ပေးခဲ့သည်။ ၁၉၈ဝ ပြည့်နှစ်တွင် နိုင်ငံတော် ကောင်စီက ချီးမြှင့်သော နိုင်ငံ့ ဂုဏ်ရည်ဘွဲ့ (ပထမဆင့်) ကို ရရှိသည်။
သခင် ဘသောင်းသည် ၁၃၄၃ ခုနှစ် တန်ခူးလပြည့်ကျော် ၂ ရက် (၁၉၈၁ ခုနှစ် ဧပြီလ ၂၁ ရက်) တွင် ကွယ်လွန်သည်။ ဇနီး ဒေါ်သန်းကြည်နှင့် သား တစ်ယောက်၊ သမီး တစ်ယောက် ကျန်ရစ်ခဲ့သည်။ ။
ထင်ရှားသောစာအုပ်အချို့
ပန်းသာမစာဥ
ဗုဒ္ဓ၏စကြာဝဠာတရား
ဆရာဝန်ပါပဲ(ပြဇာတ်)
တိုင်းပြည့်ရန်သူ(ပြဇာတ်)
အမေလေး
ခြေလေးချောင်းတော်လှန်ရေး
တစ်ထောင့်တစ်ည
သူခိုးအာမတ်
ကမ္ဘာ့ရာဇ၀င်ချုပ်
ကမ္ဘာပတ်လည်ရက်ရှစ်ဆယ်
ကျမ်းကိုး
ဘာသာပြန် စာပေ။ စာ ၁၄ - ၄၇။
မလိခ။ မြန်မာစာပေ အဘိဓာန် ၂။ စာ ၁၅၅။
မလိခ။ မြန်မာဝတ္ထု အညွှန်း ၃။ စာ ၅၃ - ၅၈။
မြန်မာ့ စွယ်စုံကျမ်း နှစ်ချုပ် ၁၉၈၂။ စာ ၂၄၇ - ၂၄၈။
ဒဂုန်ရွှေမျှား။ မြန်မာနိုင်ငံ စာပေဆုများ။ စာ ၉ - ၁ဝ။
ပန်းသာ မစာအု - သခင်ဘသောင်း၊ သတ္တမ အကြိမ်၊ ရာပြည့် စာအုပ်တိုက်၊ စာအုပ် အမှတ် - ၂၅၆၊ ဇန်နဝါရီ၊ ၂ဝဝ၇။
ကိုးကား
မောင်သုတ အမည်ခံ ဗိုလ်မှူး ဘသောင်း (မဟာ ဝိဇ္ဇာ၊ ရွှေတံဆိပ်ရ) ပြုစု၍ ဦးခင်အေး (မောင်ခင်မင်၊ ဓနုဖြူ) ပါမောက္ခ၊ မြန်မာစာ ဌာန၊ ရန်ကုန် တက္ကသိုလ် တည်းဖြတ် ဖြည့်စွက်သော ပဉ္စမအကြိမ် ၁၊ သြဂုတ်၊ ၂ဝဝ၂၊ ရာပြည့် စာအုပ်တိုက်ထုတ် 'စာဆိုတော်များ အတ္ထုပ္ပတ္တိ'
http://www.wikimyanmar.co.cc/wiki/index.php?title=%E1%80%9E%E1%80%81%E1%80%84%E1%80%B9%E1%80%98%E1%80%B1%E1%80%9E%E1%80%AC%E1%80%84%E1%80%B9%E1%80%B8
@@@@@@@
No comments:
Post a Comment