ဗိုလ်ချုပ် အောင်ဆန်း ဇာတိချက်ကြွေ ဖွားရာမြေ
ဆွေကြီး မျိုးမြတ် ၊ နတ်မောက်မြို့သား ၊ ဦးဖား ရှေ့နေ ၊ အမေ ဒေါ်စု ၊ ရွှေဥ သက်မှန်း ၊
သားအောင်ဆန်းပေါ့ ၊ ဂဏန်း သက္ကရာဇ် ၊ တစ် နှစ် ခွန် ခြောက် ၊ နွေဦးပေါက်မှာ ၊ဆောင်းနောက်
မြီးညောင်း ၊ တပေါင်းဆန်းရွှေ့ ၊ တရက်နေ့တွင် ၊ စက်ငွေ့နဂါး ၊ စနေဖွားမို့ ၊ နံအားလျော်ခြင်း ၊
“မောင်ထိန်လင်း´´ တဲ့ ၊ ကိုရင်း အောင်သန်း ၊ ကာရန် မှန်းလို့ ၊“အောင်ဆန်း´´ပေါ့တော် ၊နောက်တော့ခေါ်ကြ … ။
ကျောင်းသား မောင်အောင်ဆန်း
ခုနနှစ်ရွယ် ၊ သားငယ်ငယ်ကို ၊ နာမယ်အကျော် ၊ ဆရာတော်ပေါ့ ၊ “ ဦးသော်ဘိတ ´´ ၊
ဘွဲ့မည်ရတဲ့ ၊ ဆရာ့အထံ ၊ ကျောင်း အပ်နှံဘို့ ၊ ပွဲရံစုံညီ ၊ ဆွမ်းအုပ် နီ နက် ၊ အမေရွက်လို့ ၊
သားလက်ကိုလဲ ၊ အဖေဆွဲကာ ၊ ကျောင်း အပ်ပါသတဲ့ တော် … ။
ရေနံချောင်းပြောင်း ကိုအောင်ဆန်း
နုနယ်ပျိုမျစ် ၊ ဆယ့်သုံးနှစ်တွင် ၊ တထစ်ရွှေ့ပြောင်း ၊ ရေနံချောင်းကို ၊ ကျောင်းအထက်တန်း ၊
ကိုအောင်ဆန်းမှာ ၊ ညာဏ်စွမ်းတံခွန် ၊ ချွန်သည် တခြား ၊ ကြိုးစားတချက် ၊ စာကျက် မပြင်း ၊
ညာဏ်သွင်းတွေးဆ ၊ ပြုလုံ့လကြောင့် ၊ ကျသည် မရှိ ၊ ဆယ်တန်းထိအောင် ၊ တန်းတိုင်း အောင်၏ ။
တက္ကသိုလ် ရောက် ကိုအောင်ဆန်း
တစ် ကိုး သုံး နှစ် ၊ ခရစ်ကောဇာ ၊ ရောက်သောခါဝယ် ၊ ပညာဗဟို ၊ တက္ကသိုလ် လို့ ၊ ခေါ်ဆို
ထွန်းတောက် ၊ ကျောင်းတော်ရောက်ပြီး ၊သောက်စို့ ပညာ ၊ သင်လေပါ၏ ။
တက္ကသိုလ်လား ၊ ကိုကျောင်းသားတဲ့ ၊ သူများတွေကို ၊ ကြွားမပိုဘဲ ၊ ဖိုသီဖတ်သီ ၊ ဖျင်ပင်နီ နဲ့ ၊
ဝတ်သည် ပုဆိုး ၊ ခပ်ရိုးရိုး ပေါ့ ၊ နေ မိုး ကာ ဆီး ၊ ပုသိမ်ထီး နဲ့ ၊ စီးသည့် ဘိနပ် ၊ သားရေချပ် မို့ ၊
မဟတ် အသွင် ၊ သူ့ကိုမြင်တော့ ၊ ရယ်ချင်သူက ၊ များသတဲ့ တော့ … ။
သမဂ္ဂအမှုဆောင် ၊ အိုးဝေ အယ်ဒီတာ ကိုအောင်ဆန်း
ကျောင်းကြီး တက္ကသိုလ် ၊ ဘိုကရို နဲ့ ၊ ခိုမှီရောက်ထ ၊ နေသားကျတော့ ၊ သမဂ္ဂ ဘောင် ၊
အမှုဆောင် နှင့် ၊ စာစောင် အိုးဝေ ၊ တွန်ကျူးလေသည် ၊ သူပေ ဆရာ ၊ အယ်ဒီတာ ပေါ့ ။
ဒေါင်း အိုးဝေ သံ ၊ ကျူးကြော်ညံ လို့ ၊ တရံရော ခါ ၊ အိုးဝေ မှာပေါ့ ၊ ပါလာ ဆောင်းပါး ၊
ရေးအသားကြောင့် ၊ နှောင့်သွား မလွတ် ၊ ဟိုပွတ် ဒီစောင်း ၊ ဘယ်သူ့ခေါင်းလဲ ၊ မကောင်းဆဲရေး ၊
“ ခွေး သရမ်းကြီး လွတ်နေသည် ´´ တဲ့ ၊ အနှီ ဆောင်းပါး ၊ ထည့်ရလား ဟု ၊ ရှူးရှား ဆူပွက် ၊
ဝက်နှယ် ပက်၍ ၊ အထက်တော်က ၊ ထုတ်ဖေါ်ပြဟု ၊ ပြောကွ ဘယ်လူ ၊ ရေးသောသူကို ၊ နားပူ
စစ်ကြော ၊မဖြေသောကြောင့် ၊ဒေါသချုတ်ချုတ် ၊ကျောင်းက ထုတ်သော် ၊ မဟုတ်မခံ ၊ ကျောင်းလုံး
လျှံအောင် ၊ ဆူညံ ကျိတ်ကျိတ် ၊ သပိတ် သပိတ် ၊ မှောက်ပါရော့ တော် … ။
သမဂ္ဂ ဥက္ကဌ ၊ တက္ကသိုလ် ကောင်စီဝင် ကိုအောင်ဆန်း
တက္ကသိုလ်ဘောင် ၊ ပဲခူးဆောင် မှ ၊ အောင် ၀ိဇ္ဇာတန်း ၊ ကိုအောင်ဆန်း မှာ ၊ ပွင့်လန်း ထင်ရှား ၊
ရေပန်းစားပြီး ၊ သူ့အား သမဂ္ဂ ၊ ဥက္ကဌ တဲ့ ၊ ဟိုကလဲ ဌ ၊ ဒီက ဌ နဲ့ ၊ မြှောက်ကြသူ့ကို ၊ ဥဒဟိုပေါ့ ၊
ပုဂ္ဂိုလ် အရ ၊ကြည်ညိုကြ နဲ့ ၊ ထက်စွ ကြံစည် ၊ နှလုံးရည်ကြောင့် ၊ ကောင်စီမှာလဲ ၊ ကျောင်းသား
ထဲက ၊ သူဘဲ ပဌမ ၊ရွေးခံရ၏ ။
ဒို့ဗမာ အစည်းအရုံး ၊ အထွေထွေ အတွင်းရေးမှူး သခင် အောင်ဆန်း
ခရစ် သက္ကရာဇ် ၊ တစ် ကိုး သုံးဆယ် ၊စွန်း ရှစ်ကယ်၌ ၊ ကြယ်သို့ ပွင့်လန်း ၊ ကိုအောင်ဆန်း မှာ ၊
ပတ်သန်းဝန်းကျင် ၊ သူ ခုံမင်လို့ ၊ သခင် ဘွဲ့မှတ် ၊ ရှေ့က တပ်ပြီး ၊ ပညပ်သညာ “ ဒို့ဗမာ´´တဲ့ ၊
ကမ္ဘာ ရိုက်ချုန်း ၊ စည်းအရုံးမှာ ၊ ထိပ်ဆုံး စာရင်း ၊ ခေါင်က သွင်းလျက် ၊ “ အတွင်းရေးမှူး ´´ ၊
ကြယ် သောက်ရှူး သို့ ၊ တောက်မြူး ထိန်ထိန် လင်းခဲ့၏ … ။
ဝရန်း ထုတ်ခြင်း ခံရတဲ့ သခင် အောင်ဆန်း
လေးဆယ်ခုနှစ် ၊ စစ်ကြိုခေတ်ပေါ့ … ၊ မျိုးချစ် မေတ္တာ ၊ ကြီးမား ရှာလို့ ၊ ကျောင်းစာလဲ ကိုင် ၊
နိုင်ငံ ရေးရာ ၊ ဆိုသည်မှာ လဲ ၊ ဘယ်ဟာ မလပ် ၊ ခြေရာ ထပ်ခဲ့ ၊ တတ်နိုင် ပ လေ ၊ သူ မို့ ပေ ပ ၊
ညာကြေတလွှား ၊ ထပ် မနားဘဲ ၊ တရား သခင် ၊ ပွဲတွေ ဆင်ပြီး ၊ တွင်တွင် ဟော ပြော ၊ သို့ ဖြစ်
သောကြောင့် ၊ ကျော စိမ့်လို့ ကြွ ၊ အစိုးရ က ၊ ဟင်္သာတ မှာ ၊
“ဖမ်းဟ မိအောင်၊ သခင်ကောင် တဲ့´´
ငွေတောင် ငါးကျပ် ၊ ဆုငွေ သတ်ပြီး ၊ မြို့ရပ် ဇနပုဒ် ၊ ၀ရန်းထုတ်တော့ ၊ ကျုပ်တို့ ထိပ်ပန်း ၊
မောင်ကြီး ဆန်းဟာ ၊ အဖမ်း မခံ ၊ မြေကိုလှန်ပြီး ၊ နိုင်ငံတွင်းမှာ ၊ သန်းကို ရှာလဲ ၊
ဘယ်မှာ တွေ့ပါ့ မလဲ တော် … ။
မြေအောက်တော်လှန်ရေး သခင် အောင်ဆန်း
ငှက် ဖြစ်၍ပျံ ၊ ခံနိုင်မလား၊ နဂါးလိုတိုး ၊ မြေထဲလျှိုးမလား ၊ ဖမ်းလားဆီးလား၊ ၀ရန်းသားလဲ ၊
အလကားပင် ၊ ရာ မထင်ဘူး ၊ သခင် ထိပ်တန်း ၊ ကိုအောင်ဆန်း နဲ့ ၊ စိတ်ဝမ်း တူမျှ ၊ သခင်မြ တို့ ၊
ဗမာ့ လွတ်ရေး ၊ မြှော် ထောက်တွေးပြီး ၊“အရေးတော်ပုံ ´´ ၊ ကမ္ပည်း ခြုံတဲ့ ၊ မြေခုံ အောက် ဘေး ၊
တော်လှန်ရေးတွက်၊ သွေးစည်းချည်နှောင်၊ ပါတီထောင်ကြ၊ တိုင်းဘောင်တွင်းက၊ ရေးရာကျတော့၊
သခင်မြ ကိုင် ၊ နိုင်ငံပြင်ဘေး၊ ဆက်ဆံရေးကို၊ ချပေးဝန်ထမ်း၊ ကိုအောင်ဆန်း တဲ့ ၊ ခွဲခြမ်းဝန်တာ ၊
လျှို့ဝှက်စွာ နဲ့ ၊ ဗမာလွတ်ကြောင်း ၊ စက်ကုန်မောင်းသည် ၊ အကြောင်း နင်တို့ သိစေမဟဲ့ … ။
ဂျပန် ပြည်ရောက် သခင်အောင်ဆန်း
ပြည်ပဆက်ဆံ၊ တာဝန်ခံဖြင့် ၊ တော်လှန်ရေး တွက် ၊ အသက် သေသေ ၊ အရေ ခန်းခန်း ၊
စွန့်စားခန်း ပေါ့ ၊ အောင်ဆန်း ဗိုလ်ချုပ် ၊ လ သြဂုတ် မှာ ၊ တရုတ် ဟန်သွင် ၊ ခံ အိုင်တင် နှင့် ၊
ထင်ထင် ရှစ်ရက် ၊ ပြည်မှ ထွက်လို့ ၊ စက်သင်္ဘောခေါ် ၊ “ဟိုင်လီ ´´ ပေါ်၌ ၊ စေဖော် လုပ်သား ၊
မီးထိုး လားသို့ ၊ လိုက်သွားပြီးနောက် ၊ ဂျပန် ကို ရောက်ပါလေရော့တော် … ။
တခေါက် မြန်မာ ၊ ပြန်လာရာတွင် ၊ သွားမှာ အတု ၊ ခေါခေါ ပြုလို့ ၊ သူဟု တတ်အပ် ၊ ဘယ်သူ
မှတ်လိမ့် ၊ ပါးနပ်ပိပိ ၊ ရောက်တုံ ဘိသော်၊ သတိ ချွန်းချိတ် ၊ တိုးတိတ်တိတ် ဖြင့်၊ သုံးကျိပ် ရဲဘော်၊
ခေါင်းဆောင်ခေါ်ပြီး ၊ ကျွန်းမော် “ဟိုင်နမ်´´၊ တော်လှန် ရန် ဟု ၊ ကိုယ်ခံ အလွှာ ၊ စစ်ပညာကို ၊
လေ့လာ ဆည်းပူးကြပါတယ် ။
အရှေ့ အာရှ စစ်ကြီး စ၍ ဖြစ်လာခြင်း
ဤသို့ ဂျပန် ၊ ကျွန်းဟိုင်နမ် မှာ ၊တော်လှန်ဘို့ရေး ၊ စစ်အားမွေးကာ ၊ သွေးလို့ ကောင်းတုန်း ၊
ဗြုံးကနဲတော် … ၊ လန့်လို့အော်မိ ၊ မြေပေါ် ရေပေါ် ၊ ဆော်ပလော်တီး ၊ စစ်မီးလျှံစွဲ ၊ မိုးလုံးရဲလို့ ၊
စွန်ဝဲဟန်ညီ ၊ လေတပ်ချီပြီး ၊ ဒီဇင်ဘာလ ၊ ရှစ်ရက် စခဲ့ ၊ အာရှ အရှေ့ ၊ စစ်မီး ဝှေ့လို့ ၊ ငွေ့တ
ထောင်းထောင်း၊ ဘယ်မြင်ကောင်းလိမ့်၊ အလောင်းချင်းဖက်၊ လည်ချင်းယှက်တဲ့ ၊ စစ်သက္ကရာဇ်၊
လေးဆယ့် တစ် မှာ … ။
သခင် အောင်ဆန်းမှ ဗိုလ်တေဇ သို့
ဒုတိယ ကမ္ဘာ ။ ထိန်ဝါလျှံညီး ၊ စစ်မီးလောင်ခိုက် ၊ ခွင့်ကောင်းဆိုက်ဟေ့ ၊ “ကြိတ်လိုက်ကြစို့ ၊
ရဲဘော်ရို့“ဟု ၊ ပျို့ပျို့ ဆောင်စိတ် ၊ ရဲသုံးကျိပ် တို့ ၊ စစ် ရိပ် အောက် လွှား ၊ ရွေ့ကာ ရှားလို့ ၊
ယိုးဒယား ရောက် ၊ မြို့ဘန်ကောက်မှာ ၊ ကွန်းထောက်ချနေ ၊ “ဘီအိုင်အေ´´ လို့ ၊ တွင်စေမဟဲ့ ၊
တပ်ကြီးဖွဲ့ပြီး ၊ တကဲ့ ရဲတောက် ၊ မောင်းသွေးဖောက်လို့ ၊ သောက်ကြရွှင်လန်း ၊ မောင်ကြီး ဆန်း
မှာ ၊ ဘုန်းတန်း ထွန်းပ ၊“ ဗိုလ်တေဇ ´´ တဲ့ ၊ ဘွဲ့လှ တပ်ဆင် ၊ စစ်ရေးပြင်ပြီး ၊
ပြည်တော် ၀င်ကြမလို့ တဲ့တော့ ။
ဗိုလ်ချုပ်အောင်ဆန်း ရန်ကုန်ကို သိမ်းပိုက်ခြင်း
( ၁၉၄၂ ) ခု ၊ နှင်းဥ ဆိုင်းဆိုင်း ၊ နှစ်ဦးပိုင်းမှာ ၊ သမိုင်း ကဏ္ဍ ၊ အသစ် စခဲ့ ၊ ဗမာ့တပ်မတော် ၊
ရဲဘော် ဂျပန် ၊ အလံပြိုင်တူ ၊ တလူလူပေါ့ …၊ ဇမ္ဗူကျော်သောင်း ၊ မြေကြီး စောင်းမျှ ၊ တပ်ပေါင်း
လျှိုးလျှိုး၊ စွယ်ရောင်ပျိုးပြီး၊ မိုးလုံးဖြန့်ရစ် ၊ မာရ်မင်းစစ်သို့ ၊ ကြွေးဟစ်ကြေငြာ ၊ ပြည်ဗမာ – သို့ ၊
ချီလာ စစ်ခင်း၊ တိုက်တုံလျှင်းက ၊ ဗိုလ်မင်း တေဇ ၊ ခေါင်းဆောင်ရတဲ့ ၊ ဗမာ့ရဲကျော်၊ တပ်မတော်
က ၊ မြို့တော် ရန်ကုန် ၊ လေးဘက် ခြုံပြီး ၊ မာန်ဟုန်ပြင်းပျ ၊ တိုက် ခိုက် ကြလို့ ၊ မတ်လ ရှစ်ရက် ၊
ဗိုလ်ချုပ် လက်သို့ ၊ ကြွေသက်လျှောကျ ၊ ရန်ကုန် ရသည် ၊ တေဇ ဟေ့နော် … တေဇနော် … တဲ့ ။
အိမ်ထောင်ရှင် ဗိုလ်ချုပ်အောင်ဆန်း
ရန်ကုန်မြို့ကြီး ၊ သိမ်းပိုက်ပြီး၍ ၊ ခရီးကကြမ်း ၊ စစ်ကြောင့်နွမ်းမို့ ၊ အပန်းဖြေရင်း ၊ ဆေးရုံ
ချဉ်းပြီး ၊ အားသွင်း နေစဉ် ၊ “ဖူးစာရှင်´´ တဲ့ ၊ ဒေါ်ခင်ခင်ကြည် ၊ ဆင်းသိင်္ဂီ နဲ့ ၊ ချစ်ရည် တူမျှ ၊
လက်ထပ်ကြပြီး၊ လ-ဇူလိုင်ရောက် ၊ မြှောက်စားရာထူး၊ ဗိုလ်မှူးကြီးအရာ၊“မဟာသေနာပ
ကျော်ကိတ္တိဖြင့် ၊တိုင်းသိပြည်ပေါ် ၊ ကမ္ဘာကျော်ရော့ ၊နောက်သော် ဆင့်ပြီး ၊ “စစ် ၀န်ကြီး´´တဲ့ ၊
ချီးအံ့ဖုံဖုံ ၊ ဘယ်မှာ ကုန်လိမ့် ။
ဂျပန် ကို တော်လှန်ရန် မဟာမိတ်နှင့် ဆက်သွယ်ခြင်း
ကိုယ့်ပြည်တိုင်းခွင် ၊ လွတ်လပ်ချင်၍ ၊ ပြင်ပအကူ ၊ ဂျပန်ယူပြီး ၊ ရန်သူအပြုတ် ၊ မောင်းနှင်
ထုတ်လဲ ၊ ကျုပ်တို့ အပေါ် ၊ အဆွေတော် တဲ့ ၊ ခေါ်လာ ဂျပန် ၊ အကျင့် တန်လို့ ၊ မခံနိုင်အား ၊
အသဲယားခဲ့ ၊ ကျားကြောက် ရှင်ကိုး ၊ ကျားထက်ဆိုးကို ၊ ဒဲ့ဒိုး ပက်ပင်း ၊ ကြုံရလျှင်းက ၊ ခံပြင်း
အံကြိတ် ၊ တိတ်တဆိတ်ပေါ့ ၊ မဟာမိတ်နဲ့ ဆက်သတော့ … ။
ဖက်ဆစ်ဂျပန် ၊ နှံဘို့ အတွက်၊ နှက်ဖို့ အရေး၊ မက်လုံးပေးလို့ ၊ ရှေးကရန်သူ၊ ဖြစ်ခဲ့မူလည်း ၊
ခုမူ မိတ်ဖြစ် ၊ ကြိုးနှယ် ကျစ်ပြီး ၊ ဖက်ဆစ် တွန်းလှန် ၊ လွတ်မြောက်ရန် ဟု ၊ ပြင်းထန် ဆန္ဒ ၊
လျှို့ဝှက်စွဖြင့် ၊“ဖ ဆ ပ လ ´´ ၊ ဥုံဖွ လူပေါင်း ၊ စုစည်းဆောင်းပြီး ၊ ချက်ကောင်း စောင့်လို့
နေခဲ့၏ ။
ဗိုလ်ချုပ် အောင်ဆန်း ဂျပန်ကို တော်လှန်ပြီ
( ၁၉၄၅ ) ခု ၊ ရတု နွေဦး ၊ လေရူးသုန်သုန်၊ ဝေမှုန်မှုန်ဝယ် ၊ ဒဂုန်တောင်အောက်၊ ဆံတော်
မှောက်မှာ ၊ လျှံတောက်ညီးညီး ၊ တပ်တော်ကြီး ကို ၊ “ရန်မီးတောက်လျှံ ၊ ငြိမ်းသတ်ရန်တွက် ၊
ငါတို့ ထွက်အံ့´´၊ လက်နက်ကိုယ်စီ၊ ရဲတေးသီလို့ ၊ တပ်ချီကာထွက် ၊ မြေကြီးအက်မျှ ၊ ဖက်ဆစ်
သို့ ညွှန် ၊ စစ်တံခွန်သည် ၊ မိုးစွန် ကြွားကြွား လွှားသတော့ … ။
ရဲသွေးတံခွန် ၊ ကြွားကြွား ကွန်လို့ ၊ အားသွန် တိုက်ဖျက် ၊ တော်လှန်ရက် မှာ ၊ သက္ကရာဇ်
လေးဆယ် ၊ ငါးခု ကယ်တဲ့ ၊ လ၀ယ် မတ်လ ၊ အောင်ကိန်းရ လို့ ၊ ရက်က နှစ်ဆယ့်ခွန် ၊ နိပွန်
ဘန်ဇိုင်း ၊ တွေ့လေတိုင်းကို၊ ဆုတ်ဆိုင်းမရှိ ၊ နှံတုံဘိကို ၊ ဇာတိ ဂျပန် ၊ ၀ိဥာဉ်ပြန်လဲ ၊ ကျန်ခဲ့
ရုပ်ကြွင်း ၊ နုပ်နုပ်စဉ်းလို့ ၊ သွေး ချင်းချင်းသာ နီတော့တယ် … ။
နေသူရိန် အစည်းအဝေးမှ လွတ်လပ်ရေး တောင်းဆိုခြင်း
ဖက်ဆစ် ကျင့်တန် ၊ ဂျပန် စစ်မီး ၊ ငြိမ်းပြီးသည့် နောင် ၊ ဗိုလ်ချုပ်အောင်ပေါ့ ၊ တထောင်
ကိုးရာ ၊ လေးဆယ် သာတဲ့ ၊သင်္ချာ အညွှန်း ၊ ငါးခု စွန်းမှာ ၊ရေမွန်း ကမ်းလျှံ ၊ မြစ်ယံ သမုဒ် ၊
သြဂုတ် ဆဲ့ကိုး ၊ ရေဖြိုးဖြိုး နဲ့ ၊ မိုးတွင်းအချိန် ၊ ရွှေ သိင်္ဂုတ္တရ ၊ တောင်များ ရှေ့စောင်း၊ ကန်
တော်ချောင်းဝယ် ၊ သိန်းသောင်း အရှိန် ၊ “နေသူရိန်´´တဲ့ ၊ ဝေထိန်လျှံဝင်း ၊ ရုံတော်တွင်းမှာ ၊
ရဲတင်း သံကြွေး ၊ “လွတ်လပ်ရေး´´ ကို ၊ ပေးဘို့ စကား ၊ ကမ္ဘာ ကြားအောင် ၊ နားကွဲ မတတ်
ပါဘဲတော် … ။
အောင်ဆန်း – အက်တလီ စာချုပ် ချုပ်ဆိုခြင်း
ကောဇာ မှတ်ရေး ၊ လေးဆဲ့ခုနစ် ခု ၊ ရတု နှင်းအံ ၊ ဆီးကျံကျံနှင့်၊ ဇန်န၀ါရီ ၊ ခွါညိုစီတဲ့ ၊
ရာသီ ညို့မှိုင်း ၊နှစ်ဦးပိုင်း မှာ ၊ တိုင်းပြည် လွတ်ရန် ၊ အင်္ဂလန် နှင့် ၊ ဖန်ဖန် ကူးသန်း ၊ ဗိုလ်
အောင်ဆန်း က ၊ နန်းရင်းဝန်မည် ၊“အက်တလီ´´ကို ၊“ကိုယ့်ပြည်ကိုယ့်မင်း၊ကို
ပိုင်နင်းပြီး
ရှင်းရှင်း လွတ်လွတ် ၊ ကွင်းလုံးကျွတ် တဲ့ ၊ လွတ်လပ်စွာ ဒို့ ၊ နေမဗျို့´´ လို့ ၊ ကျို့သံ မပါ ၊
မာသံ မနှော ၊ မှန်ရာပြော ကို ၊ သဘောကြိုက်ညီ ၊ အက်တလီ က ၊“ကောင်းပြီ ကွယ်ရို့ ၊ပေးမည် ဒို့ ´´ဟု ၊ ချုပ်စို့လား စာ ၊ စက္ကူလွှာတွင် ၊ လွတ်ရာစာတမ်း၊ လက်ဆင့်ကမ်းသည် ၊
“အောင်ဆန်း အက်တလီ စာချုပ်´´ တဲ့ ။
ပင်လုံညီလာခံ၌ သွေးစည်းခြင်း တိုင်းရင်းသား
သည်ဆောင်း ဟေမန် ၊မြောက်ပြန် လေညင်း ၊ ငွေနှင်း ဝေေ၀ ၊ မှုန်ပြေပြေ တည့် ၊
ဖေဖေါ်ဝါရီ ၊ လ ရာသီ ၀ယ် ၊ အက်တလီ ထံ ၊ အင်္ဂလန် မှ ၊ ပြန်လို့ ဆိုက်ရောက် ၊ ယား
မဖျောက်ဘဲ ၊ တောက်လျှောက်ဘဲတော် ၊ ဟိုတောင်ပေါ်ပေါ့ ၊ ပျော်စချင့်ညို့ ၊ တောင်စို့စို့
နှင့် ၊ မြို့တော် ပင်လုံ ၊ စုံသည်လူမျိုး ၊ မိုးသို့ စွင့်ပျံ ၊ ညီလာခံ ၌၊ နှုတ်သံရွတ်ရွတ် ၊တတွတ်
တွတ်နှင့်၊ လွတ် လွတ်လပ်ရေး၊ စိတ်ဓါတ် နွှေးခဲ့၊ မဝေးမပြား ၊ တသွေးသားမို့၊ ကျားကျား
မမ ၊ မကွဲကြနဲ့ ၊ ပြည်မ တောင်စောင်း၊ ညီတုံရှောင်းက၊ နှာခေါင်းသို့ ချဉ်း၊ ကျွန်ဗွက်တွင်း
မှ ၊ လွတ်ကင်း ရအောင် ၊ ကျုပ် ကယ်ဆောင်အံ့ ၊ ညီနောင် မခြား ၊ တိုင်းရင်းသားကို ၊
ရွှေပြားနှယ် ကုပ် ၊ မေတ္တာ အုပ်လို့ ၊ ဗိုလ်ချုပ် သွေးစည်းခဲ့တာလေ ။
မြို့တော်ခန်းမကြီး၌ အရေးကြီးသော မိန့်ခွန်း မြွက်ကြားခြင်း
ဇူလိုင်ဆယ့်သုံး ၊ မြို့လုံးအကျွတ် ၊ မြေကြီးညွှတ်မျှ ၊ လွတ်လပ်တော့မှာ ၊ သေချာတာမို့ ၊
လွတ်လာတော့ကို ၊ ဘာတွေ လို၍ ၊ ဘယ်လို နေထိုင် ၊ ဘာ လုပ်ကိုင် ဟု ၊ နိုင်ငံလွတ်စ၊
နေတတ်ကြအောင် ၊ ခန်းမမြို့တော် ၊ စည်းဝေး ခေါ်ပြီး ၊ အုတ်အော် သောင်းသောင်း ၊
လူထုပေါင်း ကို ၊ နွေနျောင်းဝသန် ၊ ဂျိုးဂျိမ့်ညံ၍ ၊ မိုးသံကလှုင် ၊ ချောင်း ရေ အိုင် နှင့် ၊ချမ်းနိုင်ရှာဘဲ ၊ ရွှဲချင် ရွှဲတဲ့၊ မိုးဖွဲ ဖြုန်းဖြုန်း ၊ လေဟုန်းဟုန်း တွင် ၊ ဆုံးလဲ ဆုံးမ ၊သြ၀ါဒ
ဖြင့် ၊ လမ်းပြရှေ့တန်း ၊ ဗိုလ်အောင်ဆန်းကား ၊ လွမ်းပန်း သီခဲ့ရှာ ထင်ရဲ့ … ။
နယ်ချဲ့လက်ပါးစေများ လက်ချက်ဖြင့် ကျဆုံးခြင်း
ခန်းမ မြို့တော် ၊ စည်းဝေး ခေါ်၍ ၊ ရက်သော် မကြာ ၊ ကာလမများ ၊ ခြောက်ရက်
ခြားပေါ့ ၊ ဒို့များ ရက်ဆိုး ၊ ရွှေရင် ကျိုးခဲ့ ၊ ဆဲ့ကိုး ဇူလိုင် ၊ ဘယ် မေ့နိုင်လိမ့် ၊ မဏ္ဍိုင်
တံခွန် ၊ ပြည့် သားမွန် ကို ၊ စွယ်ချွန် ပြူးပြူး ၊ ခွေး ဘီလူးတို့ ၊ ရှူးရှူး တိုက်တိုင်း ၊
လွှတ်စည်းဝိုင်းတွင် ၊ မဆိုင်းဝင်ကပ် ၊ ပစ်ခွင်းသတ်လို့ ၊ ကင်းပြတ်ဇီဝိန် ၊ ခါသည်ချိန်မှာ ၊
မငြိမ် စိတ် ၀မ်း ၊ ရွှေတုတ် နွမ်းခဲ့ ၊ အလွမ်း မှလေ ၊ ပြေပါစေ လို့ ၊ ရွှေသဲပြင်သွေး ၊
မျက်ရည် နွေးနဲပ ၊ ရေးရ တုံရီ ၊ စာမပီလဲ ၊ သီလို့ သ ရ ၊ ဘ၀ ကဗျာ ၊ ဤ အလွှာဖြင့် ၊
ဂါရ၀မှု ၊ အလေးပြုပါတယ် ဗိုလ်ချုပ်ရယ် … ။ ။
တောက မိရွှေတုတ်
——————————————————————————
နာဂစ် မုန်တိုင်း ရိုင်းခဲ့ပြီးကာလများမှာ ကျန်ရှိနေသေးသော စာအုပ် စာစောင်များ ကို
ရှင်းလင်း ရပါသည် ။ မွမွ ကျေအောင် ရေစို စုတ်ပြဲ ဆွေးမြေ့မှု များကို တတ်နိုင် သမျှ၊
ထိန်းသိမ်းနိုင်သမျှ စုစည်းမိပါသည် ။ နှမျော တသမှု ကြောင့်လည်း ဖြစ်ပါသည် ။ ၄င်း
တို့ အထဲမှ ဤ စာရွက်အပိုင်းလေးများ ကို တွေ့ရှိရပြီး အချိန်မီအောင် နေလှမ်း၊ ဆက်
စပ် စသည်ဖြင့် ယခုကဲ့သို့ တင်ဆက်နိုင်ခဲ့ပါသည် ။ နောက်ဆုံးစာပိုဒ်တွင် အချို့ စာလုံး
များ မပီသ သည်ကို ဖြည့်စွက် မိပါသည် ။ မူရင်း နှင့် မညီ ပါလျင် ပြင်ဆင် ပေးကြ စေ
ချင်ပါသည် ။ ယခု စာသားများမှာ ယခင်က သတ်ပုံအတိုင်း ဖော်ပြထားပါသည် ။ ပန်းချီ
ပုံများမှာ ဆရာကြီး “ပန်းချီ တင်ဝင်း´´ ၏ လက်ရာဖြစ်၍ ကိုကြည်နိုင် ၏ အားထုတ်မှု
ဖြင့် ဖြည့်ဆည်းထားခြင်း ဖြစ်ပါသည် ။
“တောက မိရွှေတုတ်´´ ကလောင်အမည် မှာလည်း စာဆို မည်သူဖြစ်သည်ကို မသိပါ ။
သိသူများ က ထုတ်ဖေါ် ပေးကြစေချင်ပါသည် ။ သမိုင်းတန်ဖိုး ကြောင့် ဖြစ်ပါသည် ။
လက်လှမ်းမီသူများက ဖြည့်စွက်ပေးကြပါရန် လေးစားစွာ ပန်ကြားပါသည်။
သိတတ်လို့ တတ်သိပြီး သတ္တိတွေတိုးကာ
ငြိမ်းချမ်းမှုများ စိုးမိုးလျက် ပညာဖြင့် ဦးဆောင်နိုင်ကြပါစေ …
ငြိမ်းစိုးဦး
