အညာသား
တစ်ယောက်ဖြစ်သော ကျွန်တော်မှာ အညာသားတစ်ယော က်ဖြစ်သော သူ့အကြောင်းကို
ငယ်ငယ်ကပင် စိတ်ဝင်စားခဲ့ပါသည်။ သို့နှင့် သူ့အကြောင်း ရေးထားသော
စာအုပ်တွေကိုလည်း တခုတ်တရ ရှာဖတ်ခဲ့ရသည်။ တစ်ခါတစ်ရံ မုန့်ဖိုး ပဲဖိုးစုကာ
ဝယ်ဖတ်ရသည်။ သူ့အစ်ကို ရေးထားသော သူတို့ မိသားစုအကြောင်း ဖတ်ရတော့
သူတို့အိမ်ကို သွားကြည့်ချင်မိသည်။ သို့သော် ကျွန်တော့်ဇာတိ
ရေနံချောင်းနှင့်
နီးလျက်နှင့် မရောက်ဖြစ်ခဲ့ပါ။
မနှစ်ကမှ ကျွန်တော် သွားချင်လှသော အညာသားလေး၏ အိမ်သို့ ပထမဆုံးအကြိမ် ရော က်ဖူးပါတော့သည်။ အညာသားလေး၏ အိမ်မှာ အိမ်မည်းကြီး ဖြစ်သည်။ နတ်မောက်မြို့တွင် အညာသားလေး၏ အိမ်ကို မသိသူမရှိပါ။ ဟုတ်ပါသည်။ ကျွန်တော် ဆိုလိုချင်သော အညာသား
လေးဆိုသည်မှာ တိုင်းသိ ပြည်သိ၊ ကမ္ဘာသိ မြန်မာ့နိုင်ငံရေး ခေါင်းဆောင်ကြီး ဦးအောင်ဆန်းကို ဆိုလိုခြင်း ဖြစ်ပါသည်။
‘ဗိုလ်ချုပ်အောင်ဆန်း နေအိမ်ပြတိုက်၊ နတ်မောက်မြို့’ ဆိုသော ဆိုင်းဘုတ် စာသားလေးကိုပင် အိမ်မည်းကြီး နောက်ခံထားလျက် ဖတ်နေရသည်မှာ အားတက် ရသလိုလို၊ လွမ်းမောရသလိုလိုပင်။ သူ့အတ္ထုပ္ပတ္တိနှင့် ရုပ်ပုံလွှာ အဖွဲ့အနွဲ့တွေ ဖတ်ရတုန်းကလည်း ထိုအတိုင်းပင် ခံစားရပါသည်။ အိမ်ခြံဝင်း အတွင်းကို ရောက်တော့ အိမ်အရှေ့ဘက်တွင် အုတ်နီ ခုံရိုးတန်းကြီးကို တွေ့ရသည်။ အဆောက်အအုံပျက် တစ်ခု၏ အုတ်ရိုးနံရံ ဖြစ်သည်။ ဆိုင်းဘုတ် အညွှန်းအရ အညာသားလေး၏ မိသားစုများ နေထိုင်စဉ်က ပစ္စည်းဂိုဒေါင်အဖြစ် အသုံးပြုခဲ့သည်ဟု သိရသည်။
အိမ်အောက်ထပ် အ၀င်ဝတွင် လူတစ်ရပ်ကျော်ခန့်မြင့်သော ဖြူဖြူဖွေးဖွေး စပါးကျည်ပုတ် ဟော င်းကြီးတစ်လုံးက ဆီးကြိုလျက် ရှိသည်။ အိမ်ထဲတွင်မူ သူ့ဓာတ်ပုံတွေကို အပိုင်းလေးပိုင်းခွဲကာ မှန်ဘောင် သွင်းပြသထားသည်။ ကလေးဘဝ၊ ကျောင်းသားဘဝ၊ မိသားစုဘဝနှင့် နိုင်ငံ့ခေါင်းဆောင် ဘဝ စသဖြင့်...။ ‘အဖဦးဖာ၊ အမိမစုတို့၏သား မောင်ထိန်လင်း အသက် ၁၂၀ ရှည်စေသော်ဝ်’ ဆိုသော ဇာတာခွင် မိတ္တူလေးကို ကလေးဘဝ ဓာတ်ပုံခန်းတွင် ဖတ်ရသည်။ စိတ်မကောင်းစရာပင်။ ဇာတာခွင် ဆုတောင်း အသက်၏ လေးပုံတစ်ပုံခန့်မျှသာ သူရှင်သန် ခဲ့ရရှာသည်။ ဇာတာခွင် ဆုတောင်းသက်၏ လေးပုံနှစ်ပုံခန့်မျှ သူဆက်လက် ရှင်သန်ခဲ့လျှင်ပင် မြန်မာနိုင်ငံ၏ သမိုင်းမှာ တစ်မျိုးတစ်ဖုံ ပြောင်းလဲ သွားနိုင်ကောင်းပါ သည်။ သို့သော် အညာသားလေး၏ ကံကြမ္မာနှင့် ထပ်တူပင် မြန်မာ့နိုင်ငံရေးမှာလည်း ကံခေခဲ့ရရှာသည်။
အညာသားလေးမှာ ငယ်စဉ်က နတ်မောက်မြို့ရှိ ဆရာတော် ဦးသောဘိတကျောင်းတွင် ပညာသင် ခဲ့သည်ဟု မှတ်သားရသည်။ ကျောင်းသားဘဝ ပြကွက်များတွင် ‘နတ်မောက်မြို့ ဦးသောဘိတကျော င်း မောင်အောင်ဆန်း ပဉ္စမတန်း’ ဟု နာမည်ထိုးထားသော ကျောင်းသုံးစာအုပ် မျက်နှာဖုံး၏ ပုံတစ်ပုံ ကို ပြထားသည်။ သူ့လက်ရေးလား မသိ။ တက္ကသိုလ် ကျောင်းသားဘဝတုန်းက လက်ရေးကိုတော့ ကျွန်တော် မြင်ဖူးပါသည်။ ကျောင်းစာကြည့်တိုက်တွင် မှန်ဘောင်သွင်း ပြထားသော သူ့မှတ်စု စာအုပ်ကို ရေနံချောင်း အ ထက (၁) ကျောင်းတွင် ပညာသင်စဉ်က ကျွန်တော် သွားကြည့်ဖူးသည်။ လက်ရေးမှာ အသော့ ဖြစ်သဖြင့် ကျွန်တော် မဖတ်တတ်ပါ။
ထို့အပြင် ရေနံချောင်း အမျိုးသား အထက်တန်းကျောင်း ခြောက်တန်း တက်စဉ်က သူကိုင်ခဲ့သော ဂဏန်းစာအုပ် မျက်နှာဖုံး၊ ဆယ်တန်းအောင် လက်မှတ်၊ ဘီအေ အောင်လက်မှတ် မိတ္တူတို့ကို လည်း တွေ့ရသည်။ နောက်-ကုလားထိုင် ရှည်ကြီးပေါ်တွင် တင်ပျဉ်ချိတ်ကာ ရိုက်ထားသော
ကျောင်းသား သမဂ္ဂဥက္ကဋ္ဌ ကိုအောင်ဆန်း၏ ဓာတ်ပုံ။ မိသားစုဘဝတွင်မူ ဦးအောင်ဆန်းနှ င့် ဒေါ်ခင်ကြည်တို့၏ မင်္ဂလာဓာတ်ပုံ၊ ယခု ဒေါ်အောင်ဆန်းစုကြည်တို့ ငယ်စဉ်က ရိုက်ကူးထားသော မိသားစုဓာတ်ပုံ၊ ဗိုလ်ချုပ်အောင်ဆန်းနှင့် မိခင်ကြီး ဒေါ်စုတို့၏ ပုံတို့ကိုလည်း မှန်ဘောင်သွင်း ပြထားသည်။
အညာသားလေး အကြောင်းကို စိတ်ဝင်စားသဖြင့် စာအုပ်အတော်စုံစုံ ဖတ်ထားပြီးဖြစ်ရာ ဓာတ်ပုံနှင့် မှတ်တမ်းမှတ်ရာ အများစုကို ကျွန်တော်တွေ့ဖူး၊ မြင်ဖူးပါသည်။ ထူးထူးဆန်းဆန်း မရှိလှပါ။ သို့သော် ကျွန်တော် တစ်ခါမျှ မတွေ့ဖူးသော မှတ်တမ်းတစ်ခုကို တွေ့ရပါသည်။ ယင်းမှာ ဂျပန်ကို တော်လှန်သော ဗိုလ်ချုပ်အောင်ဆန်းကို ဖမ်းရန် ဗိုလ်ချုပ်အောင်ဆန်း ဓာတ်ပုံကပ်လျက် ဂျပန်စာဖြင့် ထုတ်ပြန်ထားသော လူဖမ်းဝရမ်းစာ ဖြစ်ပါသည်။ ထိုမှတ်တမ်းကိုမူ ပထမဆုံးအကြိမ် မြင်ဖူးခြင်း ဖြစ်ပါသည်။
အာရှတိုက်၏ လူတော်များထဲမှ တစ်ဦးဖြစ်သော အိန္ဒိယနိုင်ငံရေး ခေါင်းဆောင် နေရူးနှင့်အတူ တွဲရိုက်ထားသောပုံ၊ လွတ်လပ်ရေးအတွက် အင်္ဂလန်နိုင်ငံသို့ သွားရောက်စဉ်က ရိုက်ထားသော ပုံတို့ကိုလည်း တွေ့ရသည်။ ယင်းပုံတို့ကိုမူ ကျွန်တော် အကြိမ်ကြိမ် ကြည့်ဖူးပြီး ဖြစ်ပါသည်။
အခန်း၏ တောင်ဘက်နံရံရှိ ကျောက်သင်ပုန်း အစိမ်းပေါ်တွင် အညာသားလေး၏ ဆွေစဉ်မျိုးဆက် ဇယားကို ရေးထားသည်။ အညာသားလေးတို့ မျိုးရိုး စဉ်ဆက်မှာ ပုဂံပြည် မင်းသမီးတစ်ပါးမှ ဆင်း သက်လာသည်ဟု ဆိုသည်။ အခြားသင်ပုန်းတစ်ခုပေါ်တွင်မူ အညာသားလေး၏ မိန့်ခွန်း ကောက်နုတ်ချက် အချို့ကို တွေ့ရသည်။ ‘ပဒေသာပင် ပေါက်အောင်ဆိုရင် ကျွန်တော်တို့ အလုပ်လုပ်မှ ဖြစ်မယ်’ ။ သည်စာသားကို ဖတ်ဖူးရုံမျှမက အညာသားသံ ပါပါဖြင့် လေးလေးပင်ပင် ပြောသော သူ့မိန့်ခွန်းကိုပါ နားထောင်ဖူးသည်။ အညာသားလေးမှာ အပြောသမား သက်သက်မဟုတ်၊ အလုပ်ဖြင့် သက်သေထူသူ မဟုတ်လား။
ဤအိမ်ကြီးမှာ အညာသားလေး နေထိုင် ကြီးပြင်းခဲ့သော အိမ်ကြီးစစ်စစ်ဟု ကျွန်တော် ထင်ထားခဲ့သည်။ ကျွန်တော့် အထင်မှားကြောင်း အိမ်သမိုင်း ရေးထားသည့် ဗီနိုင်း စာရှည်ကြီးကို ဖတ်မှ သိရတော့သည်။ အညာသားလေး၏ အစ်ကို ဦးဘဝင်း၏ဇနီး၊ အညာသားလေး၏ ဇနီး ဒေါ်ခင်ကြည်နှင့် အညာသားလေး၏ အစ်ကို ဦးအောင်သန်းတို့၏ တိုက်တွန်းချက်ကြောင့် အစ်ကို အကြီးဆုံးဖြစ်သူ ဦးနေအောင်၏သား ဦးအောင်မြင့်သိန်းက ၁၉၇၃ ခုနှစ်တွင် သမိုင်းဝင် နေအိမ်ကို နိုင်ငံတော်သို့ လှူဒါန်းခဲ့သည်။ ယင်းသမိုင်းဝင် အိမ်ကြီးကို ယဉ်ကျေးမှု ဝန်ကြီးဌာနက တာဝန်ယူထိန်းသိမ်းခဲ့သည်ဟု ဆိုသည်။
၁၉၇၄ ခုနှစ် ဧပြီလ ၈ ရက်နေ့တွင် နတ်မောက်မြို့ အောင်ဆန်းရပ်ကွက်၌ မီးလောင်ရာ သမိုင်း ဝင်နေအိမ်ကြီး မီးထဲပါသွားသဖြင့် ၁၉၇၅ ခုနှစ်တွင် နတ်မောက်မြို့ ဆောက်လုပ်ရေးက မူလ ပုံစံအတိုင်း ပြန်ဆောက်ခဲ့ရသည်။ ၁၉၈၃ ခုနှစ်တွင် မြို့နယ် ပါတီယူနစ်နှင့် ပြည်သူ့ကောင်စီသို့ လွှဲပြောင်းပေးရာ ယင်းကောင်စီက ယဉ်ကျေးမှု ဝန်ကြီးဌာနသို့ တစ်ဆင့်လွှဲပြောင်း ပေးခဲ့သည်ဟု
ဆိုသည်။ မမြင်လိုက်ရသော သမိုင်းဝင်အိမ်ကြီးကို တွေးလျက် နှမြောမိပါသည်။ နိုင်ငံ့လွတ်လပ်ရေး အတွက် စွမ်းဆောင်ခဲ့သော အညာသားလေး၏ ကျေးဇူးကို သိတတ်သည့်အနေနှင့် ကျွန်တော်တို့မှာ အညာသားလေး၏ အိမ်ကလေးကိုပင် မထိန်းသိမ်း နိုင်ခဲ့ရှာပါလား။
အိမ်အပြင်ကို ပြန်ထွက်မည် လုပ်တော့ အနောက်ထောင့်တွင် သံချေးတက် သံပုံးကြီးတစ်ခုကို တွေ့ ရသည်။ မီးခံသေတ္တာ ဟောင်းကြီး ဖြစ်သည်။ ထုံးစံအတိုင်းပင် ပြတိုက်တစ်ခု ဖြစ်မြောက်ရေးအတွက် ရှိစုမဲ့စု ပစ္စည်းတို့ကို စုရုံး ပြသထားပုံရသည်။ သို့ကြောင့်လည်း ဗိုလ်ချုပ်အောင်ဆန်း၏ နေအိမ်တွင် အသုံးပြုခဲ့သော မီးခံသေတ္တာဟု ဗိုလ်ချုပ် နာမဝိသေသတပ်ကာ ပြသထားရခြင်း ဖြစ်သည်။ ဘေး တစ်ဖက်တွင်မူ မိခင်ကြီးဒေါ်စု၏ ရက်ကန်းစင်ဟောင်းကြီးမှာ ငြိမ်ငြိမ်ဆိမ်ဆိမ် ရှိလှသည်။
မနှစ်ကမှ ကျွန်တော် သွားချင်လှသော အညာသားလေး၏ အိမ်သို့ ပထမဆုံးအကြိမ် ရော က်ဖူးပါတော့သည်။ အညာသားလေး၏ အိမ်မှာ အိမ်မည်းကြီး ဖြစ်သည်။ နတ်မောက်မြို့တွင် အညာသားလေး၏ အိမ်ကို မသိသူမရှိပါ။ ဟုတ်ပါသည်။ ကျွန်တော် ဆိုလိုချင်သော အညာသား
လေးဆိုသည်မှာ တိုင်းသိ ပြည်သိ၊ ကမ္ဘာသိ မြန်မာ့နိုင်ငံရေး ခေါင်းဆောင်ကြီး ဦးအောင်ဆန်းကို ဆိုလိုခြင်း ဖြစ်ပါသည်။
‘ဗိုလ်ချုပ်အောင်ဆန်း နေအိမ်ပြတိုက်၊ နတ်မောက်မြို့’ ဆိုသော ဆိုင်းဘုတ် စာသားလေးကိုပင် အိမ်မည်းကြီး နောက်ခံထားလျက် ဖတ်နေရသည်မှာ အားတက် ရသလိုလို၊ လွမ်းမောရသလိုလိုပင်။ သူ့အတ္ထုပ္ပတ္တိနှင့် ရုပ်ပုံလွှာ အဖွဲ့အနွဲ့တွေ ဖတ်ရတုန်းကလည်း ထိုအတိုင်းပင် ခံစားရပါသည်။ အိမ်ခြံဝင်း အတွင်းကို ရောက်တော့ အိမ်အရှေ့ဘက်တွင် အုတ်နီ ခုံရိုးတန်းကြီးကို တွေ့ရသည်။ အဆောက်အအုံပျက် တစ်ခု၏ အုတ်ရိုးနံရံ ဖြစ်သည်။ ဆိုင်းဘုတ် အညွှန်းအရ အညာသားလေး၏ မိသားစုများ နေထိုင်စဉ်က ပစ္စည်းဂိုဒေါင်အဖြစ် အသုံးပြုခဲ့သည်ဟု သိရသည်။
အိမ်အောက်ထပ် အ၀င်ဝတွင် လူတစ်ရပ်ကျော်ခန့်မြင့်သော ဖြူဖြူဖွေးဖွေး စပါးကျည်ပုတ် ဟော င်းကြီးတစ်လုံးက ဆီးကြိုလျက် ရှိသည်။ အိမ်ထဲတွင်မူ သူ့ဓာတ်ပုံတွေကို အပိုင်းလေးပိုင်းခွဲကာ မှန်ဘောင် သွင်းပြသထားသည်။ ကလေးဘဝ၊ ကျောင်းသားဘဝ၊ မိသားစုဘဝနှင့် နိုင်ငံ့ခေါင်းဆောင် ဘဝ စသဖြင့်...။ ‘အဖဦးဖာ၊ အမိမစုတို့၏သား မောင်ထိန်လင်း အသက် ၁၂၀ ရှည်စေသော်ဝ်’ ဆိုသော ဇာတာခွင် မိတ္တူလေးကို ကလေးဘဝ ဓာတ်ပုံခန်းတွင် ဖတ်ရသည်။ စိတ်မကောင်းစရာပင်။ ဇာတာခွင် ဆုတောင်း အသက်၏ လေးပုံတစ်ပုံခန့်မျှသာ သူရှင်သန် ခဲ့ရရှာသည်။ ဇာတာခွင် ဆုတောင်းသက်၏ လေးပုံနှစ်ပုံခန့်မျှ သူဆက်လက် ရှင်သန်ခဲ့လျှင်ပင် မြန်မာနိုင်ငံ၏ သမိုင်းမှာ တစ်မျိုးတစ်ဖုံ ပြောင်းလဲ သွားနိုင်ကောင်းပါ သည်။ သို့သော် အညာသားလေး၏ ကံကြမ္မာနှင့် ထပ်တူပင် မြန်မာ့နိုင်ငံရေးမှာလည်း ကံခေခဲ့ရရှာသည်။
အညာသားလေးမှာ ငယ်စဉ်က နတ်မောက်မြို့ရှိ ဆရာတော် ဦးသောဘိတကျောင်းတွင် ပညာသင် ခဲ့သည်ဟု မှတ်သားရသည်။ ကျောင်းသားဘဝ ပြကွက်များတွင် ‘နတ်မောက်မြို့ ဦးသောဘိတကျော င်း မောင်အောင်ဆန်း ပဉ္စမတန်း’ ဟု နာမည်ထိုးထားသော ကျောင်းသုံးစာအုပ် မျက်နှာဖုံး၏ ပုံတစ်ပုံ ကို ပြထားသည်။ သူ့လက်ရေးလား မသိ။ တက္ကသိုလ် ကျောင်းသားဘဝတုန်းက လက်ရေးကိုတော့ ကျွန်တော် မြင်ဖူးပါသည်။ ကျောင်းစာကြည့်တိုက်တွင် မှန်ဘောင်သွင်း ပြထားသော သူ့မှတ်စု စာအုပ်ကို ရေနံချောင်း အ ထက (၁) ကျောင်းတွင် ပညာသင်စဉ်က ကျွန်တော် သွားကြည့်ဖူးသည်။ လက်ရေးမှာ အသော့ ဖြစ်သဖြင့် ကျွန်တော် မဖတ်တတ်ပါ။
ထို့အပြင် ရေနံချောင်း အမျိုးသား အထက်တန်းကျောင်း ခြောက်တန်း တက်စဉ်က သူကိုင်ခဲ့သော ဂဏန်းစာအုပ် မျက်နှာဖုံး၊ ဆယ်တန်းအောင် လက်မှတ်၊ ဘီအေ အောင်လက်မှတ် မိတ္တူတို့ကို လည်း တွေ့ရသည်။ နောက်-ကုလားထိုင် ရှည်ကြီးပေါ်တွင် တင်ပျဉ်ချိတ်ကာ ရိုက်ထားသော
ကျောင်းသား သမဂ္ဂဥက္ကဋ္ဌ ကိုအောင်ဆန်း၏ ဓာတ်ပုံ။ မိသားစုဘဝတွင်မူ ဦးအောင်ဆန်းနှ င့် ဒေါ်ခင်ကြည်တို့၏ မင်္ဂလာဓာတ်ပုံ၊ ယခု ဒေါ်အောင်ဆန်းစုကြည်တို့ ငယ်စဉ်က ရိုက်ကူးထားသော မိသားစုဓာတ်ပုံ၊ ဗိုလ်ချုပ်အောင်ဆန်းနှင့် မိခင်ကြီး ဒေါ်စုတို့၏ ပုံတို့ကိုလည်း မှန်ဘောင်သွင်း ပြထားသည်။
အညာသားလေး အကြောင်းကို စိတ်ဝင်စားသဖြင့် စာအုပ်အတော်စုံစုံ ဖတ်ထားပြီးဖြစ်ရာ ဓာတ်ပုံနှင့် မှတ်တမ်းမှတ်ရာ အများစုကို ကျွန်တော်တွေ့ဖူး၊ မြင်ဖူးပါသည်။ ထူးထူးဆန်းဆန်း မရှိလှပါ။ သို့သော် ကျွန်တော် တစ်ခါမျှ မတွေ့ဖူးသော မှတ်တမ်းတစ်ခုကို တွေ့ရပါသည်။ ယင်းမှာ ဂျပန်ကို တော်လှန်သော ဗိုလ်ချုပ်အောင်ဆန်းကို ဖမ်းရန် ဗိုလ်ချုပ်အောင်ဆန်း ဓာတ်ပုံကပ်လျက် ဂျပန်စာဖြင့် ထုတ်ပြန်ထားသော လူဖမ်းဝရမ်းစာ ဖြစ်ပါသည်။ ထိုမှတ်တမ်းကိုမူ ပထမဆုံးအကြိမ် မြင်ဖူးခြင်း ဖြစ်ပါသည်။
အာရှတိုက်၏ လူတော်များထဲမှ တစ်ဦးဖြစ်သော အိန္ဒိယနိုင်ငံရေး ခေါင်းဆောင် နေရူးနှင့်အတူ တွဲရိုက်ထားသောပုံ၊ လွတ်လပ်ရေးအတွက် အင်္ဂလန်နိုင်ငံသို့ သွားရောက်စဉ်က ရိုက်ထားသော ပုံတို့ကိုလည်း တွေ့ရသည်။ ယင်းပုံတို့ကိုမူ ကျွန်တော် အကြိမ်ကြိမ် ကြည့်ဖူးပြီး ဖြစ်ပါသည်။
အခန်း၏ တောင်ဘက်နံရံရှိ ကျောက်သင်ပုန်း အစိမ်းပေါ်တွင် အညာသားလေး၏ ဆွေစဉ်မျိုးဆက် ဇယားကို ရေးထားသည်။ အညာသားလေးတို့ မျိုးရိုး စဉ်ဆက်မှာ ပုဂံပြည် မင်းသမီးတစ်ပါးမှ ဆင်း သက်လာသည်ဟု ဆိုသည်။ အခြားသင်ပုန်းတစ်ခုပေါ်တွင်မူ အညာသားလေး၏ မိန့်ခွန်း ကောက်နုတ်ချက် အချို့ကို တွေ့ရသည်။ ‘ပဒေသာပင် ပေါက်အောင်ဆိုရင် ကျွန်တော်တို့ အလုပ်လုပ်မှ ဖြစ်မယ်’ ။ သည်စာသားကို ဖတ်ဖူးရုံမျှမက အညာသားသံ ပါပါဖြင့် လေးလေးပင်ပင် ပြောသော သူ့မိန့်ခွန်းကိုပါ နားထောင်ဖူးသည်။ အညာသားလေးမှာ အပြောသမား သက်သက်မဟုတ်၊ အလုပ်ဖြင့် သက်သေထူသူ မဟုတ်လား။
ဤအိမ်ကြီးမှာ အညာသားလေး နေထိုင် ကြီးပြင်းခဲ့သော အိမ်ကြီးစစ်စစ်ဟု ကျွန်တော် ထင်ထားခဲ့သည်။ ကျွန်တော့် အထင်မှားကြောင်း အိမ်သမိုင်း ရေးထားသည့် ဗီနိုင်း စာရှည်ကြီးကို ဖတ်မှ သိရတော့သည်။ အညာသားလေး၏ အစ်ကို ဦးဘဝင်း၏ဇနီး၊ အညာသားလေး၏ ဇနီး ဒေါ်ခင်ကြည်နှင့် အညာသားလေး၏ အစ်ကို ဦးအောင်သန်းတို့၏ တိုက်တွန်းချက်ကြောင့် အစ်ကို အကြီးဆုံးဖြစ်သူ ဦးနေအောင်၏သား ဦးအောင်မြင့်သိန်းက ၁၉၇၃ ခုနှစ်တွင် သမိုင်းဝင် နေအိမ်ကို နိုင်ငံတော်သို့ လှူဒါန်းခဲ့သည်။ ယင်းသမိုင်းဝင် အိမ်ကြီးကို ယဉ်ကျေးမှု ဝန်ကြီးဌာနက တာဝန်ယူထိန်းသိမ်းခဲ့သည်ဟု ဆိုသည်။
၁၉၇၄ ခုနှစ် ဧပြီလ ၈ ရက်နေ့တွင် နတ်မောက်မြို့ အောင်ဆန်းရပ်ကွက်၌ မီးလောင်ရာ သမိုင်း ဝင်နေအိမ်ကြီး မီးထဲပါသွားသဖြင့် ၁၉၇၅ ခုနှစ်တွင် နတ်မောက်မြို့ ဆောက်လုပ်ရေးက မူလ ပုံစံအတိုင်း ပြန်ဆောက်ခဲ့ရသည်။ ၁၉၈၃ ခုနှစ်တွင် မြို့နယ် ပါတီယူနစ်နှင့် ပြည်သူ့ကောင်စီသို့ လွှဲပြောင်းပေးရာ ယင်းကောင်စီက ယဉ်ကျေးမှု ဝန်ကြီးဌာနသို့ တစ်ဆင့်လွှဲပြောင်း ပေးခဲ့သည်ဟု
ဆိုသည်။ မမြင်လိုက်ရသော သမိုင်းဝင်အိမ်ကြီးကို တွေးလျက် နှမြောမိပါသည်။ နိုင်ငံ့လွတ်လပ်ရေး အတွက် စွမ်းဆောင်ခဲ့သော အညာသားလေး၏ ကျေးဇူးကို သိတတ်သည့်အနေနှင့် ကျွန်တော်တို့မှာ အညာသားလေး၏ အိမ်ကလေးကိုပင် မထိန်းသိမ်း နိုင်ခဲ့ရှာပါလား။
အိမ်အပြင်ကို ပြန်ထွက်မည် လုပ်တော့ အနောက်ထောင့်တွင် သံချေးတက် သံပုံးကြီးတစ်ခုကို တွေ့ ရသည်။ မီးခံသေတ္တာ ဟောင်းကြီး ဖြစ်သည်။ ထုံးစံအတိုင်းပင် ပြတိုက်တစ်ခု ဖြစ်မြောက်ရေးအတွက် ရှိစုမဲ့စု ပစ္စည်းတို့ကို စုရုံး ပြသထားပုံရသည်။ သို့ကြောင့်လည်း ဗိုလ်ချုပ်အောင်ဆန်း၏ နေအိမ်တွင် အသုံးပြုခဲ့သော မီးခံသေတ္တာဟု ဗိုလ်ချုပ် နာမဝိသေသတပ်ကာ ပြသထားရခြင်း ဖြစ်သည်။ ဘေး တစ်ဖက်တွင်မူ မိခင်ကြီးဒေါ်စု၏ ရက်ကန်းစင်ဟောင်းကြီးမှာ ငြိမ်ငြိမ်ဆိမ်ဆိမ် ရှိလှသည်။
လက်ယာဘက်တွင် အညာသားလေး၏ အိပ်ခန်းနှင့် မိခင်ကြီးဒေါ်စုတို့၏ အိပ်ခန်းတို့ ရှိသည်။ အခန်းတွင်း တွင် ခုတင်တစ်လုံးစီ ချထားသည်မှအပ တစ်စုံတစ်ရာ မရှိပါ။ အိမ်ပေါ်တွင်လည်း အိမ်အောက် ထပ်နည်း တူပင်၊ ထူးထူးခြားခြား ကြည့်ရှုဖွယ်ရာ မတွေ့ရပါ။ သို့နှင့် အောက်ထပ်ကိုသာ ပြန်ဆင်း လာခဲ့ပါသည်။ အိမ်အောက်ထပ်၏ အဝင်ဝနားတွင် အလှူခံပုံးတစ်ပုံး ရှိသည်။ ပြတိုက် ထိန်းသိမ်း စောင့်ရှောက်ရေး အတွက် မိမိစိတ်ကြိုက် လှူနိုင်သည်ဟုလည်း ရေးထားသည်။
အညာသားလေး၏ အိမ်တွင် ပြတိုက် ဝန်ထမ်းအဖြစ် အမျိုးသမီးတစ်ဦးသာ ရှိသည်။ သူက ပြတိုက်သို့ လာရောက် ကြည့်ရှု့သူများ၏ လက်မှတ်များကို ကောက်ထားရသည်။ ထူးခြားသည်မှာ ပြတိုက် လေ့လာ သူတို့၏ လက်မှတ်များ သာမက သူတို့၏ သဘောထားမှတ်ချက်အချို့ကို ရေးသားရန် အတွက်ပါ ကွက်လပ်တစ်ခု လုပ်ထားပေးသည်။ ပြတိုက် လာရောက်သူများ၏ စာရင်းကို ဖတ်ကြည့်လိုက်တော့ မြန် မာနိုင်ငံ အလယ်ပိုင်းမှ သာမက မြစ်ကြီးနား၊ ရန်ကုန်၊ မန္တလေး၊ ပဲခူး၊ ဧရာဝတီ စသောဒေသ များကပင် လာကြသူတွေ ရှိသည်။
လက်မှတ် စာရင်းစာအုပ်ကို လက်မှတ်ထိုးဖို့ ယူရင်း ပြတိုက် လာကြည့်သူများ၏ မှတ်ချက် အချို့ကို ဖတ်ကြည့်မိပါသည်။ တစ်ယောက်က မှတ်ချက် ရေးထားသည်။ ဗိုလ်ချုပ်၏သမိုင်း အထောက်အထား
များကို ပိုပြီးစုံစုံလင်လင် ဖြည့်ဆည်းစေချင်သည်ဟု ဆိုသည်။ ရန်ကုန်သား တစ်ယောက်ကမူ နေအိမ် အပေါ်ထပ်ခန်း၌ မီးလင်းစေချင်သည်ဟု မှတ်ချက်ပြုသည်။ အချို့မှတ်ချက်တွေက ဗိုလ်ချုပ်ကို လွမ်း ဆွတ်ဟန်ကဲသည်။ အချို့ကမူ လက်ရှိ မြန်မာနိုင်ငံ၏ ခေါင်းဆောင်ကောင်း ရှားပါးမှုကို အားမလို အားမရ ဖြစ်ဟန်တူသည်။ ဗိုလ်ချုပ်လို ခေါင်းဆောင်မျိုး နောက်ထပ် ပေါ်ပါဦးမလားဟု အမေးဆန်ဆန် မှတ်ချက်ပြုသူလည်း ရှိသည်။ အညာသားလေးကို လေးစားအားကျသော ကျွန်တော်ကလည်း ဆုတောင်းသံဆန်သော စာတစ်ကြောင်း ရေးသားခဲ့ပါသည်။
‘အညာသားလေးလို နိုင်ငံသားမျိုး များများ ပေါ်ထွန်းပါစေသော်ဝ်’ ဟူ၍ ဖြစ်သည်။
ဉာဏ်မျိုးအောင်
No comments:
Post a Comment