စွန့်ပစ်ပစ္စည်းကနေ ၀န်ချီထရပ်ကားကို ကိုယ်တိုင်လုပ်ခဲ့တဲ့ ညီအစ်ကို

ဟေတီနိုင်ငံဟာ ကမ္ဘာ့အဆင်းရဲဆုံးနိုင်ငံတွေထဲ က နိုင်ငံတစ်ခု(အဆင့် ၂၀) ဖြစ်ပါတယ်။ ဒါကြောင့် ပညာရေးဘက်မှာလည်း နိမ့်ကျလျှက်ရှိပါတယ်။ ဒါပေမယ့် ဒီနိုင်ငံက ဆယ်ကျော်သက်ညီအစ်ကို နှစ်ယောက်က ကစားစရာ ၀န်ချီထရပ်ကားတစ်စီးကို ဖန်တီးလိုက်တဲ့အခါ အံသြကုန်ကြပါတယ်။

အသက် ၁၃နှစ် နဲ့ ၁၅နှစ် ရှိတဲ့ WeNs နဲ့ Aldin ဆိုတဲ့ညီအစ်ကိုနှစ်ယောက်ဟာ ကစားစရာအီလက်ထရောနစ် ထရပ်ကားတစ်စီးကို စွန့်ပစ်ပစ္စည်းတွေကနေ ဖန်တီးခဲ့ပါတယ်။ သူတို့ငယ်ငယ်က ကစားစရာထရပ်ကား တစ်စီးကို ၀ယ်ပေးဖို့သူတို့မိဘတွေကို ပူဆာခဲ့ကြပေမယ့် ဆင်းရဲလွန်းတဲ့အတွက်ကြောင့် ဘာမျှမ၀ယ်ပေးနိုင်ခဲ့ပါ။ တစ်နေ့ ၀န်ချီထရပ်ကား တစ်စီးသူတို့အိမ်ရှေ့လမ်းပေါ်မှာအလုပ်လုပ်နေတာကို တွေ့တဲ့အခါ သူတို့ညီအစ်ကိုဟာ ထရပ်ကားရဲ့လှုပ်ရှားပုံတွေကို ဂရုတစိုက် မှတ်သားကြပါတယ်။ အဲဒီနောက်တော့ သူတို့ကိုယ်တိုင် ၀န်ချီထရပ်ကားတစ်စီးကို ဖန်တီးဖို့ဆုံးဖြတ်ခဲ့ကြပါတယ်။

အစိတ်အပိုင်းအားလုံးကို စွန့်ပစ်ပစ္စည်းတွေကနေရယူပါတယ်။ ကိုယ်ထည်ကို ပလတ်စတစ်ပုံးကနေ ၊ မော်တာကိုရေဒီယိုအပျက်တစ်လုံးကနေ စသည်ဖြင့်ပေါ့။ သူတို့ဟာ ၀န်ချီစက်အရုပ်ကားကို ဖန်တီးပြီးတဲ့နောက် အဲဒီကားကို ထိန်းချုပ်ဖို့ အဝေးထိမ်း ကရိယာ တစ်ခုကို ဖန်တီးလိုက်ကြပြန်ပါတယ်။ သူတို့ညီအစ်ကိုဟာ ကိုယ်ပိုင်အတန်းကျောင်းတစ်ခုမှာတက်ရောက်နေတာဖြစ်ပြီး ဒီလိုတက်နိုင်ဖို့ အမေဖြစ်သူဟာ ပျံကျဈေးသည်လုပ်ပြီး ကျောင်းလခကိုေ ပးနေရပါတယ်။ နိုင်ငံခြားကိုထွက်ပြီး အီလက်ထရောနစ်နဲ့ ပတ်သတ်တာတွေသင်ချင်တယ်လို့ Wens က ဆိုပါတယ်။

#သုတဇုန်
Supported By လှိုင်မင်းလတ် LCCI စာရင်းကိုင် သင်တန်း
Phone; 09-510 9922