ရန်ကုန်တက္ကသိုလ်စတင်တည်ထောင်ချိန်မှာ မြန်မာစာဌာန မရှိသေးပဲ ပါဠိ ဌာနသာရှိတဲ့အချိန်..
မြန်မာစာကို တက္ကသိုလ်မှာပြဌာန်းသင်ကြားရန်အဆိုစပြုခဲ့တဲ့သူ၊ခေတ်စမ်းစာပေ ဦးဆောင်ခဲ့တဲ့ သိပ္ပံမောင်ဝ ရဲ့ဆရာဖြစ်သူ၊မြန်မာဘာသာစကားနဲ့စာပေပညာရှင်၊နှစ်ဆယ်ရာစု မြန်မာပညာရှင်များရဲ့ဖခင်၊ဆရာကြီး ဦးဖေမောင်တင်(ဦးဘေမောင်တင်)ဟာ ဧပြီလ(၂၄)ရက်ဖွားဖြစ်တာမို့ ဒီနေ့...ဆရာကြီးရဲ့အသက်(၁၂၇)နှစ်မွေးနေ့ အမှတ်တရအဖြစ် ဆရာကြီးရဲ့မြန်မာစာပေခရီးဖြတ်သန်းတဲ့အချက်အလက်အချို့ကို ဖော်ပြရင်း လေးစားတန်ဖိုးထားစွာဖြင့် ဂုဏ်ပြုလိုက်ပါတယ်။
ရန်ကုန်မြို့၊အင်းစိန် ပေါက်တောရပ်၌ အဖ ဦးဖေ၊အမိ ဒေါ်မြိုင် တို့က ၁၈၈၈ ခုနှစ် ဧပြီလ ၂၄ ရက်နေ့ (မြန်မာသက္ကရာဇ် ၁၂၅၀ ပြည့်၊ကဆုန်လပြည့်၊အင်္ဂါနေ့) ညနေ ၅ နာရီခွဲ တွင်ဖွားမြင်သည်။
မွေးချင်း ခြောက်ယောက်တွင် ပဉ္စမမြောက်ဖြစ်သည်။
ငယ်အမည်မှာ မောင်ဘတင် ဖြစ်ပြီး နောင်တွင် မောင်တင် မှ ဘေမောင်တင်(ဖေမောင်တင်) ဟု
အမည်ပြောင်းသည်။
အင်းစိန်ပေါက်တောရပ် ဆရာကိုရင်ကြီး၏ မြန်မာအလွတ်သင်ကျောင်း၊ရန်ကုန်အစိုးရဟိုက်စကူးကျောင်း၊ရန်ကုန်ကောလိပ်၊အင်္ဂလန်နိုင်ငံ အောက်စဖို့တက္ကသိုလ် အိပ်ဇီတာကောလိပ်တို့တွင် ပညာသင်ယူခဲ့သည်။
ရန်ကုန်ကောလိပ်မှဝိဇ္ဇာဘွဲ့(၁၉၀၉)၊ကာလကတ္တားတက္ကသိုလ်မှ မဟာဝိဇ္ဇာဘွဲ့(၁၉၁၁)၊အိပ်ဇီတာကောလိပ်မှ စာပေဝိဇ္ဇာ(ဘီလစ်)ဘွဲ့(၁၉၂၄)၊ရန်ကုန်တက္ကသိုလ် ဂုဏ်ထူးဆောင်ပါရဂူ(အယ်လ်၊အယ်လ်၊ဒီ)ဘွဲ့(၁၉၅၂)၊အမေရိကန် ချီကာဂိုတက္ကသိုလ် ဂုဏ်ထူးဆောင်ပါရဂူ(ပီ၊အိပ်ခ်ျ၊ဒီ)ဘွဲ့(၁၉၅၈)တို့ချီးမြှင့်ခံရရှိခဲ့သည်။
ရန်ကုန်စိန့်ပေါလ်ကျောင်းအထက်တန်းပြဆရာ(၁၉၁၁-၁၂)၊ရန်ကုန်ကောလိပ်ပါဠိပါမောက္ခ(၁၉၁၂-၂၀)၊ရန်ကုန်တက္ကသိုလ် အရှေ့တိုင်း ဘာသန္တရပါမောက္ခ(၁၉၂၄-၃၆)၊ရန်ကုန်တက္ကသိုလ် ကျောင်းအုပ်ကြီး(၁၉၃၆-၄၁)၊ရန်ကုန်တက္ကသိုလ် အုပ်ချုပ်ရေးအဖွဲ့ဥက္ကဋ္ဌ(၁၉၄၁-၄၅)၊သက်ကြီးတက္ကသိုလ် ကျောင်းအုပ်ကြီး(၁၉၄၇-၄၈)၊ရန်ကုန်တက္ကသိုလ်ဂုဏ်ထူးဆောင် ပါဠိပါမောက္ခ(၁၉၄၈-၅၀)၊အမေရိကန် ချီကာဂိုတက္ကသိုလ် ခရစ်ယာန်သမ္မာကျမ်းစာဌာန ဗုဒ္ဓဘာသာဆိုင်ရာ ဧည့်ပါမောက္ခ(၁၉၅၇-၅၉)၊ရန်ကုန်တက္ကသိုလ် ဂုဏ်ထူးဆောင်မြန်မာစာပါမောက္ခ(၁၉၆၀-၆၁)၊မြန်မာနိုင်ငံသမိုင်းကော်မရှင်ဥက္ကဋ္ဌ(၁၉၆၀-၆၄)အဖြစ် ဆောင်ရွက်ခဲ့သည်။
မြန်မာနိုင်ငံ သုတေသနအသင်းဂျာနယ် အတွဲ ၁၊အမှတ် ၁(ဇွန်၊၁၉၁၁)တွင် Missionary Burmese ဆောင်းပါးကို Maung Tin,B.A.အမည်နှင့်စတင်ရေးသားသည်။
သူငယ်တန်းမှပဉ္စမတန်းအထိ မြန်မာဖတ်စာများ(၁၉၂၇-၃၉)၊မြန်မာကြည့်စာ(သုံးတွဲ)(၁၉၂၉)၊ပါဠိဖတ်စာ(၁၉၃၄)၊မြန်မာဝါကျဖွဲ့ထုံးကျမ်း(၁၉၅၁)၊မြန်မာသဒ္ဒာ(၁၉၅၄)၊ကျောင်းသားမြန်မာသဒ္ဒာ(၁၉၅၅)၊အလယ်တန်းသဒ္ဒာ(၁၉၅၅)၊မြန်မာသဒ္ဒာနှင့်အသုံးအနှုန်း(၁၉၅၆)၊ဘာသာလောကကျမ်း(၁၉၅၇)၊မြန်မာဝတ္ထုသမိုင်းအစနှင့်သုတေသနစာတမ်းများ(၁၉၆၉)တို့ကို မြန်မာဘာသာဖြင့်လည်းကောင်း၊အဏုမြူ(၁၉၂၈)၊အဏုမြူဒီပနီ(၁၉၂၉)၊မြစေတီ မွန်ကျောက်စာ(၁၉၅၅)၊ရွှေစည်းခုံ မွန်ကျောက်စာ(၁၉၅၆)၊ကျန်စစ်သားမင်းတရားကြီး၏နန်းတော် မွန်ကျောက်စာ(၁၉၅၇)တို့ကို မြန်မာဘာသာပြန်၍လည်းကောင်း၊ပုဂံကျောက်စာညွှန့်ပေါင်းကျမ်း(၁၉၂၈){ဂျီ၊အိပ်ခ်ျ၊လုစ် နှင့်တွဲလျက်)၊တိုင်းရင်းမြန်မာကျောက်စာများ၊ငါးထုပ်(၁၉၃၃-၅၆){ဂျီ၊အိပ်ခ်ျ၊လုစ် နှင့်တွဲ}၊ရာဇဝင်ကျော်(၁၉၃၄)၊ဦးကြင်ဥ၏ပဒေသာသီချင်းများ(၁၉၃၄)၊ခေတ်စမ်းပုံပြင်များ(၁၉၃၄)၊ဇမ္ဗူဒီပဥဆောင်းကျမ်း(၁၉၆၀){ဂျေ၊အက်စ်၊ဖာနီဗယ် နှင့်တွဲ}၊စလင်းမင်းမောင်ပေါင်းချောင် ဧချင်း(၁၉၆၂)စသည်တို့ကိုတည်းဖြတ်၍လည်းကောင်း၊ဒီပဝံသမှတ်စု(၁၉၁၂)၊အခြေပြုပါဠိသဒ္ဒာ(၁၉၁၄)၊ဓမ္မပဒ(၁၉၁၄)၊ခုဒ္ဒကပါဋ္ဌ(၁၉၁၅)၊မိလိန္ဒပဥှာ(၁၉၁၅)၊ပါဠိဖတ်စာ(၁၉၁၈)၊ကျောင်းသားကိုင် ပါဠိ-အင်္ဂလိပ် အဘိဓာန်(၁၉၂၀)၊အဋ္ဌသာလိနီ၊နှစ်တွဲ(၁၉၂၀-၂၁)၊ဝိသုဒ္ဓိမဂ်၊သုံးတွဲ(၁၉၂၃-၃၁)၊မှန်နန်းရာဇဝင်(၁၉၂၃){ဂျီ၊အိပ်ခ်ျ၊လုစ် နှင့်တွဲ}၊မြန်မာသဒ္ဒဗေဒဖတ်စာ(၁၉၅၂){မစ္စစ်အီး၊အမ်းစထရောင်း နှင့်တွဲ}၊ဗုဒ္ဓဘာသာ ဆုတောင်းပုံနှင့်ဘာဝနာပွားပုံ(၁၉၆၄)၊ဓမ္မစက္ကပဝတ္တနသုတ်နှင့်အနတ္တလက္ခဏသုတ်(၁၉၇၃)စသည်တုိ့ကို အင်္ဂလိပ်ဘာသာပြန်ဆိုပြုစုခဲ့သည်။
ဆရာကြီး ဦးဖေမောင်တင်သည်၁၉၇၃ ခု မတ်လ ၂၂ ရက်နေ့၊အသက်(၈၅)နှစ်အရွယ် တွင် ကွယ်လွန်သည်။
(ဇွန်လ၊၂၀၁၃ ခုနှစ်၊ရာပြည့်စာအုပ်တိုက်မှ ဧကာဒသမအကြိမ်ထုတ်`ပါမောက္ခ ဦးဖေမောင်တင်၏ မြန်မာစာပေသမိုင်း´စာအုပ် မှ)
from - fb
No comments:
Post a Comment